Què ei era Associacion d’Innovacion en Territòris de Montanha?
Era Associacion d’Innovacion en Territòris de Montanha ei ua agropacion de toti es agents que vòlen trabalhar de manèra innovadora entà aportar aguesta forma d’actuar a toti es sectors economics. Per aquerò, amasse empreses de toti es sectors, des deth tecnologic e toristic enquiath comèrç e agropecuari. Tanben includís as agents d’investigacion, estudiants, persones jubilades e d’auti tipes d’organizacions.
Des dera Associacion d’Innovacion en Territòris de Montanha se preten promòir era innovacion. Aguesta se definís coma era metodologia que permet ara generacion dar naues responses as rèptes actuaus Ei, claraments, un estrument transformador damb era capacitat d’activar e potenciar eth talent der entorn e méter en valor toti es actius qu’age.
Per aquerò, innovar pòt èster era creacion de naues causes -productes, servicis-, pòt èster era forma com se creen causes que ja existissen -per exemple, ua naua forma de hèr un abitatge- e innovar pòt èster un cambi positiu enes valors des organizacions en airaus de melhorar era responsabilitat damb era societat e eth mèdi ambient.
Per aguest motiu, era forma de trabalh dera Associacion d’Innovacion en Territòris de Montanha ei collaborativa. Era associacion vò dar supòrt a empreses e persones emprenedores tà pr’amor de que coneishen naues formes de trabalhar. Tanben dar supòrt entara obtencion de formes de finançament mejançant subvencions. Mès era associacion tanben trabalhe entà aportar eth sòn coneishement e meter-lo a disposicion des administracions publiques e influïr tà que i age innovacion enes projèctes publics.
Quina ei era nòsta relacion damb HèPic?
HèPic ei er ecosistèma innovador creat ena Val d’Aran entà fomentar, coma nosati, era innovacion. Per aquerò madeish, HèPic se convertís en un instrument a disposicion des associadi e de toti aqueri agents que volguen innovar e, tanben, amiar a tèrme projèctes enes territòris ruraus e de montanha.
Era Associacion d’Innovacion de Territòris de Montanha s’encuede de dinamizar es diferenti instruments que s’englòben laguens d’HèPic e que son destinadi ath sector privat. Gràcies ara experiéncia innovadora e emprenedora des associadi, se pòden méter a disposicion des persones activitats que produsissen un impacte en territòri.
Ei per aquerò que HèPic se configure coma ua collaboracion publicoprivada que vò vertebrar era innovacion enes pòbles.
Vòs èster associat?
Toti e totes ètz benvengudi e benvingudes ena Associacion d’Innovacion en Territòris de Montanha. Se vòs integrar aguest projècte, pòs vier a coneisher-mos. Metem ara tua disposicion es canaus de contacte de HèPic tà pr’amor de que pogues hèr-mos totes es qüestions que volgues. Tanben te facilitaram era sollicitud tà que te pogues integrar ena associacion.
Non dobtes en contactar damb nosati s’atau ac desires.
