{"id":4987,"date":"2024-10-28T10:46:48","date_gmt":"2024-10-28T09:46:48","guid":{"rendered":"https:\/\/www.hepic-hub.org\/?p=4987"},"modified":"2024-11-08T11:00:40","modified_gmt":"2024-11-08T10:00:40","slug":"exit-de-participacion-en-prumer-congres-de-ciberseguretat-armari-6-celebrat-en-aran","status":"publish","type":"post","link":"https:\/\/www.hepic-hub.org\/oc\/2024\/10\/28\/exit-de-participacion-en-prumer-congres-de-ciberseguretat-armari-6-celebrat-en-aran\/","title":{"rendered":"Exit de participacion en prum\u00e8r Congr\u00e8s de Ciberseguretat \u201cArmari 6\u201d, celebrat en Aran"},"content":{"rendered":"\n

Eth Conselh Generau d\u2019Aran, a trau\u00e8s de H\u00e8pic, eth Centre d\u2019Innovacion Territoriau dera Val d\u2019Aran, e damb eth sup\u00f2rt dera Ag\u00e8ncia de Ciberseguretat de Catalunya e era Diputacion de Lleida, a organizat eth prum\u00e8r Congr\u00e8s de Ciberseguretat Armari 6.<\/strong><\/p>\n\n\n\n

Es dies 24 e 25 d\u2019octobre, era Sala era Audiovisuau de Vielha acuelhie era prum\u00e8ra edicion deth Congr\u00e8s de Ciberseguretat \u201cArmari 6\u201d, que s\u2019exten\u00e8c en marc dera setmana dera ciberseguretat damb activitats pr\u00e8vies<\/strong> ath congr\u00e9s d\u2019exp\u00e8rts dirigides ara joenessa e ciutadania d\u2019Aran, e activitats posteriores<\/strong>, ent\u00e0 aqueri assistents qu\u2019alongu\u00e8ren era sua estada enquiara dimenjada.<\/p>\n\n\n\n

Er objectiu<\/strong> d\u2019aguesta prum\u00e8ra edicion a estat aufrir solucions efectives as r\u00e8ptes actuaus<\/strong> que plantege era ciberseguretat, en tot convocar a exp\u00e8rts des administracions <\/strong>publiques e deth sector privat <\/strong>ent\u00e0 compartir aprenentatges e auan\u00e7ar ena luta contra es amenaces cibernetiques.<\/p>\n\n\n\n

\"\"<\/figure>\n\n\n\n

Ath long des dues jornades, es especialistes ena mat\u00e8ria presentauen, a trau\u00e8s de pon\u00e9ncies e ua taula redona<\/strong>, es s\u00f2ns coneishements, t\u00e0 impulsar eth debat e escambiar experi\u00e9ncies en ua prum\u00e8ra edicion qu\u2019a amassat un totau de tretze ponents e cent d\u00e8tz assistents.<\/strong><\/p>\n\n\n\n

Er eveniment inici\u00e8c damb era benvenguda institucionau per part de Juan Antonio Serrano, <\/em><\/strong>alcalde de Vielha e Mijaran , Agust\u00ed Jim\u00e9nez,<\/em><\/strong> vicepresident dera Diputaci\u00f3 de Lleida e deputat der airau de naues tecnologies, Paco Boya,<\/em><\/strong> secretari generau entath R\u00e8pte Demografic, qui expliqu\u00e8c era origina istorica der armari des sies claus que da n\u00f2m ath congr\u00e8s, e era intervencion dera sindica d\u2019Aran, Maria Verg\u00e9s <\/em><\/strong>qu\u2019afirm\u00e8c: \u201cQu\u2019aguest congr\u00e8s v\u00f2 democratizar es oportunitats des territ\u00f2ris de montanha en \u00e7\u00f2 que tanh as naues tecnologies e era innovacion\u201d<\/em>, e higie que: \u201cvolem demostrar qu\u2019\u00e8m capables de projectar-mos ar exterior en tot organizar eveniments d\u2019aguestes carcteristiques sus ua problematica f\u00f2r\u00e7a importanta coma era ciberseguretat qu\u2019afecte tant as institucions coma as enterpreses e ara ciutadania\u201d.<\/em><\/p>\n\n\n\n

\"\"<\/figure>\n\n\n\n

Es pon\u00e9ncies s\u2019encet\u00e8ren damb er exp\u00e8rt en ciberseguretat dera enterpresa Telefonia,\u00a0Alex Guasch<\/em><\/strong>, que restaqu\u00e8c era automatizacion deth Centre d’Operacions de Seguretat (SOC)<\/strong> damb diu\u00e8rsi epis\u00f2dis istorics relevanti en tot h\u00e8r un simil d\u2019aguesti proc\u00e8ssi. E ent\u00e0 barrar era prum\u00e8ra jornada, descorbirem dera man de Jordi Garcia Castill\u00f3n,<\/em><\/strong> CEO de CyberTECCH coma era ciberseguretat s\u2019a desvolopat ena naua era dera intellig\u00e9ncia artificiau <\/strong>entot remercar era import\u00e0ncia dera conscienciacion sus aguest nau paradigma.<\/p>\n\n\n\n

Londeman, daurirem era dusau jornada deth congr\u00e8s parlant des tend\u00e9ncies actuaus <\/strong>qu\u2019estant redefinint era ciberseguretat dera man deth gran exp\u00e8rt de l\u2019Ag\u00e8ncia de Ciberseguretat de Catalunya, cap dera unitat de donades, Santi Romeu.<\/em><\/strong>

Ara seguida, era CEO d\u2019OptimumTIC, Rosa Ortu\u00f1o<\/em><\/strong> parl\u00e8c deth marc de seguretat qu\u2019an de complir es administracions publiques e totes aqueres enterpreses que les presten servicis tecnologics e era implementacion e compliment der Esqu\u00e8ma Nacionau de Seguretat (ENS).<\/strong><\/p>\n\n\n\n


Ena madeisha linha, era directora de certificacions dera Ag\u00e8ncia de Ciberseguretat de Catalunya, Helena Rodr\u00edguez<\/em><\/strong> h\u00e8c ua aproximacion practica sus es principis e requesits des sist\u00e8mes d\u2019informacion dera administracion publica ena implantacion der ENS.<\/p>\n\n\n\n

\"\"<\/figure>\n\n\n\n

Demp\u00fas d\u2019ua breu pausa, auec l\u00f2c era taula redona jos eth titol: Diferenti enfocaments ent\u00e0 un madeish objectiu: protegir era n\u00f2sta organizacion, moderada per Ram\u00f3n Arn\u00f3<\/em><\/strong>, CEO de La Familia Digital \u00a0que geric un interessant e fructifer debat entre exp\u00e8rts d’airaus f\u00f2r\u00e7a dispari\u00e8rs. Damb sies participaires, per part dera administracion publica en\u00e7\u00e0, Iv\u00e1n Betr\u00e1n<\/em><\/strong>, director deth departament de Naues Tecnologies dera\u00a0Diputaci\u00f3 de Lleida. Der airau privat, damb era participacion d’ua grana empresa, Repsol, a trau\u00e8s deth s\u00f2n director de Ciberseguretat e Risc tecnologic, Javier Garc\u00eda Quintela. <\/em><\/strong>Amassa damb dues empreses mejanes, Vunkers damb eth s\u00f2n CEO, Albert Mas<\/em><\/strong> e\u00a0 er especialista en ciberseguretat deth Grupo SIRT, Albert Gris<\/strong><\/em>. Toti eri damb empreses deth territ\u00f2ri damb base tecnologica, Baqueira Beret damb era participacion deth s\u00f2n CIO Jos\u00e9 Luis Sol\u00e9 e d\u2019Eisharc Jaquet,<\/em><\/strong> CEO d\u2019Arantec. \u00a0<\/p>\n\n\n\n


Eth debat se centr\u00e8c en dues q\u00fcestions: coma cada exp\u00e8rt a dessenhat ena sua organizacion tot \u00e7\u00f2 qu’af\u00e8cte era ciberseguretat e quini son es tres majors r\u00e8ptes restacadi damb era\u00a0ciberseguretat, <\/strong>en tot compartir punts d\u2019enguarda.<\/p>\n\n\n\n

\"\"<\/figure>\n\n\n\n

Ara seguida, Joana Mar\u00ed,<\/em><\/strong> delegada de proteccion de donades e responsable de proj\u00e8ctes estrategics ena Autoritat Catalana de Protecci\u00f3 de Dades dera Generalitat, h\u00e8c ua introduccion ath reglament 2016\/679<\/strong> e expliqu\u00e8c eth marc legau des incidents de ciberseguretat.<\/p>\n\n\n\n


Era intellig\u00e9ncia artificiau torn\u00e8c a \u00e8ster protagonista damb era pon\u00e9ncia de David Company,<\/em><\/strong> enginhaire en investigacion e desvolopament en ciberseguretat ena Fundaci\u00f3 i2cat qu’expliqu\u00e8c coma aguesta intellig\u00e9ncia serv\u00eds tant as ciberatacans coma as ciberdefensors.<\/strong><\/p>\n\n\n\n

Ath del\u00e0, d’una man\u00e8ra f\u00f2r\u00e7a ben estructurada e practica, Ra\u00fcl Roca,<\/em><\/strong> CEO de Grail Cyber Tech narr\u00e8c era gestion, analisi e responsa d’un ciberatac <\/strong>en un hotel fictici ent\u00e0 avalorar eth plan de responsa, patrons e le\u00e7ons aprenudes.<\/p>\n\n\n\n


Eth congr\u00e9s finaliz\u00e8c damb eth cap de conscienciacion e investigacion de ESET, Josep Albors<\/em><\/strong> que descriu\u00e8c damb gran claredat es tecniques qu’utilizen es delinq\u00fcents<\/strong>: coma ataquen, que h\u00e8n un c\u00f2p entren en sist\u00e8ma, quin ei eth s\u00f2n objectiu e es conseq\u00fc\u00e9ncies entara enterpresa, ent\u00e0 passar a establir es possibles solucions a aplicar.<\/p>\n\n\n\n


Fin finau, era clausura der eveniment siguec realizada pes caps d’innovacion deth Conselh Generau d’Aran: Guillem Piris e Sergio L\u00f3pez,<\/em><\/strong> e ent\u00e0 barrar er acte, eth conselh\u00e8r d’Innovacion, Oriol Sala,<\/em><\/strong> d\u00e8c es arregra\u00efments as ponents, ara organizacion e as assistents.<\/p>\n\n\n\n

Un c\u00f2p acabat eth programa oficiau deth congr\u00e8s, s\u2019an h\u00e8t activitats pendent era dimenjada damb era presentacion deth proj\u00e8cte innovador GUARDA+ damb tecnologia de realitat aumentada e visites t\u00e0 diu\u00e8rsi endrets emblematics dera Val d\u2019Aran coma era Artiga de Lin.<\/p>\n\n\n\n

Vielha, 28 d\u2019octobre de 2024<\/p>\n","protected":false},"excerpt":{"rendered":"

Eth Conselh Generau d\u2019Aran, a trau\u00e8s de H\u00e8pic, eth Centre d\u2019Innovacion Territoriau dera Val d\u2019Aran, e damb eth sup\u00f2rt dera Ag\u00e8ncia de Ciberseguretat de Catalunya e era Diputacion de Lleida,…<\/p>\n","protected":false},"author":4,"featured_media":4975,"comment_status":"closed","ping_status":"open","sticky":false,"template":"","format":"standard","meta":{"inline_featured_image":false,"footnotes":""},"categories":[79,82,85],"tags":[],"class_list":["post-4987","post","type-post","status-publish","format-standard","has-post-thumbnail","hentry","category-innovacion-oc","category-profesionaus","category-projectes-oc"],"_links":{"self":[{"href":"https:\/\/www.hepic-hub.org\/oc\/wp-json\/wp\/v2\/posts\/4987","targetHints":{"allow":["GET"]}}],"collection":[{"href":"https:\/\/www.hepic-hub.org\/oc\/wp-json\/wp\/v2\/posts"}],"about":[{"href":"https:\/\/www.hepic-hub.org\/oc\/wp-json\/wp\/v2\/types\/post"}],"author":[{"embeddable":true,"href":"https:\/\/www.hepic-hub.org\/oc\/wp-json\/wp\/v2\/users\/4"}],"replies":[{"embeddable":true,"href":"https:\/\/www.hepic-hub.org\/oc\/wp-json\/wp\/v2\/comments?post=4987"}],"version-history":[{"count":1,"href":"https:\/\/www.hepic-hub.org\/oc\/wp-json\/wp\/v2\/posts\/4987\/revisions"}],"predecessor-version":[{"id":4988,"href":"https:\/\/www.hepic-hub.org\/oc\/wp-json\/wp\/v2\/posts\/4987\/revisions\/4988"}],"wp:featuredmedia":[{"embeddable":true,"href":"https:\/\/www.hepic-hub.org\/oc\/wp-json\/wp\/v2\/media\/4975"}],"wp:attachment":[{"href":"https:\/\/www.hepic-hub.org\/oc\/wp-json\/wp\/v2\/media?parent=4987"}],"wp:term":[{"taxonomy":"category","embeddable":true,"href":"https:\/\/www.hepic-hub.org\/oc\/wp-json\/wp\/v2\/categories?post=4987"},{"taxonomy":"post_tag","embeddable":true,"href":"https:\/\/www.hepic-hub.org\/oc\/wp-json\/wp\/v2\/tags?post=4987"}],"curies":[{"name":"wp","href":"https:\/\/api.w.org\/{rel}","templated":true}]}}