{"id":1968,"date":"2022-08-04T12:41:07","date_gmt":"2022-08-04T10:41:07","guid":{"rendered":"https:\/\/www.hepic-hub.org\/?p=1968"},"modified":"2022-08-24T10:57:24","modified_gmt":"2022-08-24T08:57:24","slug":"un-banc-en-un-parc-ei-innovacion","status":"publish","type":"post","link":"https:\/\/www.hepic-hub.org\/oc\/2022\/08\/04\/un-banc-en-un-parc-ei-innovacion\/","title":{"rendered":"Un banc en un parc ei INNOVACION"},"content":{"rendered":"\n

QU\u00c9 V\u00d2 D\u00cdDER INNOVAR?<\/strong><\/p>\n\n\n\n

Ja t\u2019aur\u00e0s encuedat qu’era innovacion ei pertot. Aquiu t\u00e0 on vas i a innovacion. Ben, dilh\u00e8u aquer\u00f2 que ves ei era paraula \u201cINNOVACION\u201d, en majuscules. Ac ves, ac lieges e, a viatges, non se compren bric. M\u00e8s, qu\u00e9 ei era innovacion?<\/p>\n\n\n\n

Qu’un ajuntament installe un banc en un parc p\u00f2t \u00e8ster quauquarren innovador, per exemple. F\u00f2r\u00e7a te dider\u00e0n qu’\u00f2c, perque enes pautes i a connectors ent\u00e0 cargar dispositius electronics e que, ath del\u00e0, emet senhau WiFi. Per contra, s’aguest mobiliari urban siguesse de husta poderie \u00e8ster tanben innovador. Era installacion d’aguest banc en aguest l\u00f2c s’a h\u00e8t perque permeter\u00e0 as persones d\u2019edat que se s\u00e8iguen apr\u00f2p dera gessuda dera ludot\u00e8ca a on son es adolescents. A\u00e7\u00f2 permeter\u00e0 era integracion sociau e generacionau des ciutadans. M\u00e8s ei que, ath del\u00e0, es listrons ent\u00e0 montar er obj\u00e8cte an estat fabricadi a trau\u00e8s d\u2019un nau software tecnologic desvolopat per dues gojates dera region.<\/p>\n\n\n\n

Era innovacion ei ua metodologia presenta en t\u00f2n dia a dia, en f\u00f2r\u00e7a asp\u00e8ctes e moments dera jornada. Ei un vector clau ent\u00e0 equilibrar e aufrir sostenibilitat as mod\u00e8ls productius territoriaus. Ei un motor de generacion de cambis.<\/p>\n\n\n\n

Per aquer\u00f2, era innovacion ei era metodologia que permet era generacion de naues responses as r\u00e8ptes actuaus, que sigue ua airina transformadora damb era capacitat d’activar e potenciar er entorn e m\u00e9ter en valor es multiples actius qu\u2019a.<\/p>\n\n\n\n

Ei d\u00edder, innovar ei un asp\u00e8cte essenciau deth desvolopament uman e un element clau entath creishement responsable des territ\u00f2ris.<\/p>\n\n\n\n

INNOVACION TECNOLOGICA<\/strong> <\/p>\n\n\n\n

Per un costat, se p\u00f2t innovar en producte, ei a d\u00edder, cambiar eth resultat deth trabalh. Tanben se p\u00f2t innovar en proc\u00e8s mejan\u00e7ant era modificacion de tot eth desvolopament e produccion e atau \u00e8ster m\u00e8s efica\u00e7. Per exemple, se parlam de servicis, era formacion que receben es persones trabalhadores o es valors qu’eri assimilen, ei innovar.  M\u00e8s era man\u00e8ra d’organizar es proc\u00e8ssi, es persones, es recorsi, p\u00f2t \u00e8ster innovador. Ei \u00e7\u00f2 que se coneish coma innovacion organizacionau.<\/p>\n\n\n\n

D’aguesta man\u00e8ra, era innovacion ei era incorporacion de dinamiques e utisi tecnologics, coma poderie \u00e8ster era WiFi en un banc o eth software qu’a dessenhat es listrons. M\u00e8s tanben ei incorporar asp\u00e8ctes socioeconomics e formatius naui. Non a d\u2019\u00e8ster pas ua innovacion radicau, un cambi significatiu, p\u00f2t \u00e8ster innovacion incrementau. Consist\u00eds en crear quauquarren nau, un mat\u00eds, a compdar de \u00e7\u00f2 que ja exist\u00eds.<\/p>\n\n\n\n

INNOVACION D\u2019IDEES<\/strong><\/p>\n\n\n\n

E qu\u00e9 ei nau? Ent\u00e0 resp\u00f3ner s’a de con\u00e9isher eth cont\u00e8xte deth t\u00f2n l\u00f2c. En tot \u00e8ster coneishedor d’a\u00e7\u00f2, nau ei tot \u00e7\u00f2 que non exist\u00eds ac\u00ed. P\u00f2t \u00e8ster qu’existisque deh\u00f2ra deth t\u00f2n entorn o que non existisque en cap de l\u00f2c. M\u00e8s eth h\u00e8t de reprodusir casi de succ\u00e8s de d’auti l\u00f2cs ei innovador.<\/p>\n\n\n\n

D’aguesta man\u00e8ra, era innovacion se convert\u00eds en un instrument transformador damb era capacitat d’activar e potenciar un entorn e, ath del\u00e0, m\u00e9ter en valor es multiples actius qu\u2019a. Ara fin, ei era milhor man\u00e8ra qu’a eth mon rurau ent\u00e0 h\u00e8r front as r\u00e8ptes actuaus.<\/p>\n\n\n\n

ERA INNOVACION EN MIEI RURAU<\/strong><\/p>\n\n\n\n

Actuauments i a problematiques qu\u2019af\u00e8cten a toti es entorns, ja siguen urbans com ruraus, com ei eth cambi climatic o es desigualtats. Es probl\u00e8mes son construccions sociaus, perque en foncion des valors o \u00e7\u00f2 que s’identifique coma causa, se v\u00f2len solucionar d’ua man\u00e8ra o de ua auta. De ua auta man\u00e8ra, es p\u00f2bles se tr\u00f2ben en un proc\u00e8s de p\u00e8rta de poblacion constanta, \u00e7\u00f2 que repercut\u00eds ena qualitat e quantitat des servicis. A\u00e7\u00f2 ei era despoblacion, ua problematica qu’af\u00e8cte a f\u00f2r\u00e7a q\u00fcestions quotidianes. E quan se prepausen es responses ad aguesti probl\u00e8mes globaus, non s’an en compde.<\/p>\n\n\n\n

Ei deuant d\u2019aguesta circonst\u00e0ncia qu’era innovacion se convert\u00eds en un asp\u00e8cte clau entath mon rurau: assegure eth creishement deth mon rurau. Ei eth met\u00f2de ent\u00e0 con\u00e9isher e respectar era ess\u00e9ncia e es particularitats deth territ\u00f2ri e tanben h\u00e8 front as r\u00e8ptes generaus.<\/p>\n\n\n\n

Eth foment dera innovacion ei ua tend\u00e9ncia estenuda enes politiques publiques e ena iniciativa privada. Per exemple, i a diu\u00e8rsi minist\u00e8ris que publiquen convocat\u00f2ries d’ajudes que valoren era innovacion des proj\u00e8ctes. Concr\u00e8eaments, eth Minist\u00e8ri d’Ind\u00fastria, Com\u00e8r\u00e7 e Torisme destine ua part ent\u00e0 subvencionar proj\u00e8ctes innovadors qu’estimulen eth com\u00e8r\u00e7 en z\u00f2nes ruraus. E de man\u00e8ra pariona, eth Minist\u00e8ri entara Transicion Ecologica e eth R\u00e8pte Demografic barr\u00e8c era convocat\u00f2ria d’ajudes ent\u00e0 proj\u00e8ctes innovadors.<\/p>\n\n\n\n

GENERAR INNOVACION<\/strong><\/p>\n\n\n\n

Ua des milhors man\u00e8res de produsir idees innovadores ei compartir espacis damb d’autes persones. Escambiar man\u00e8res d’abordar e veir es situacions. Per a\u00e7\u00f2, ent\u00e0 generar innovacion se fomenten es instruments que gen\u00e8ren trabalh en hilat e collaboracions. Per exemple, es espacis de coworking o es jornades de networking. <\/p>\n\n\n\n

En H\u00e8Pic proposam tecniques e instruments ent\u00e0 produsir aguestes idees innovadores:<\/p>\n\n\n\n